ჭინკას სხვენი

ესა და ეს რომ ყოფილიყო…

ჭინკა — Wed, 18 Jan 2012 16:04:19 +0000

ტაგ თამაშების გამომგონებელს გაუბრწყინდეს ხელი. უჰაერობის დროს ჟანგბადის მოწოდების მსგავსია. ხოდა, მეც ვაწვდი საჭირო ჟანგბადს ჩემს ბლოგს.
1. დროის უკან დაბრუნება რომ შემეძლოს – ბევრ რამეს სხვანაირად გავაკეთებდი.
2.ჩემს ტელეფონზე რომ დაერეკათ , ეთქვათ მილიონი რომ მოიგეთ-ო და გაეთიშათ. – მხრებს ავიჩეჩავდი და იმაზე დავიწყებდი ფიქრს, მართლა რომ მომეგო, რას გავაკეთებდი.
3.სული რომ დამენახა – შემეშინდებოდა და დავიწყებდი შემოწმებას.
4.ჩემი კომპიუტერი რომ გაეყიდათ და ახალი არ ეყიდათ 1 წლის განმავლობაში – ჭკუიდან გადავალ. : )
5.ფილმის გადაღება რომ შემეძლოს – გადავიღებდი ფილმს სამ მეგობარ გოგონაზე, იქნებოდა გამოყენებული ჩემი და ჩემი დაქალების მეგობრობის მომენტები.

6.ჩემს წინ ადამიანი რომ მოკლან – შოკიდან გამოსვლა გამიჭირდება.
7.ბლოგები რომ არ არსებობდნენ – შნსი არ არის
8.მილიონერი რომ ვიყო – სახლი-გარდერობი მექნებოდა ♥

9.ვინმეს რომ ეთქვა ერთ დღეში მოკვდებიო – ვეცდებოდი მასთან ერთად დროის გატარებას.
10.რას იტყვით 2012 წლის წინასწარმეტყველებაზე? – მაინც ყველანი მოვკვდებით

დარღვეული პირობები და არაადეკვატური რეაქცია.

ჭინკა — Sat, 14 Jan 2012 18:41:50 +0000

გამარჯობა.
როგორც ყოველთვის, ვტოვებ სათაურის ველს. რადგან, ძალიან იშვიათად ვიცი რას დავწერ პოსტში. დაწერის შემდეგ, გადავხედავ და სათაურიც თავისით მოფრინდება ხოლმე. : )

არ ვიცი რატომ, მაგრამ, აღარ მომდის საპოსტი თემები. ჩემი არსებობა მოსაწყენი გახდა ? არა, პირიქით. თუმცა, რატომღაც, ადრინდელისგან განსხვავებით, ყველაფერში საპოსტ თემას აღარ/ვეღარ ვხედავ. შემეძლო, ერთი წინადადებისგან მთელი პოსტი შემექმნა, ახლა კი ერთი წინადადებიდან მხოლოდ ერთი წინადადება იქმნება. ამიტომ, ვფიქრობ, რომ აზრი არ აქვს.

რა, ძალიან საინტერესოა იმის კითხვა, რომ არდადეგები მაქვს და მას ძალიან სულელურად და უშინაარსოდ ვატარებ? მინდოდა სერიალ “ჭორიკანას” მეოთხე სეზონი სულ მენახა, მაგრამ, მხოლოდ 4 სერია ვნახე. მინდოდა, გადამემეორებინა სკოლის მასალა და ამომევსო გამოტოვებული გაკვეთილები, მაგრამ, რა? არც არაფერი : ) მინდოდა, თამაშ MallWorld-ში ამეგროვებინა ყველაფერი რაც მინდოდა და მეყიდა ის, რასაც დიდი ხანია ვუტრიალებ. მაგრამ რა? აქაც არაფერი. მინდოდა მეთარგმნა ბევრი რამ (სხვათაშორის, ძალიან საინტერესო ბევრი რამ) მაგრამ… პასუხი აშკარაა.

აბა რას ვაკეთებ? ვზივარ ფეისბუქზე, ვათვალიერებ ფეიჯებს, სხვის პროფილებს, ჰოუმ ფეიჯზე შემთხვევით მოხვედრილ ნიუსებს. ძალიან უსაქმურად შევდივარ თამაშში, ვალს ვიხდი, გამოვდივარ. ყოველდღე ჩემ თავს ერთი სერიის ნახვას მაინც ვპირდები. ვკითხულობ სხვის ახალ პოსტებს. (რა კარგია, რომ პოსტავენ. აბა მე..)

ბოლო ორი დღეა ისტერიულად შეარდება გვანცა ბაგრატიონის და ნინი ლომსაძის ვიდეოები. ყოველი შეარის კომენტარებს ვნახულობ და მეცინება. ულევი ენერგიაა. მიკვირს, რატომ არ შეიძლება შესაფერისი რეაქცია გამოხატოს ადამიანმა. ძალიან, ძალიან ბევრი ძალიან ძალიან ბევრ გინებას წერს. ეს საკუთარი თავის უპატივისმცემლობა და საკუთარ გაუნათლებლობაზე ხაზგასმაა. ასევე “ჩიტის” ბოლო სიუჟეტზე ვიტყოდი იგივეს. აუცილებლად ჩნდება პასუხი : მერე, ესაა ჩემი რეაქცია ამა თუ იმ ვიდეოზე. და ეს ნორმაა ?ჩვეულებრივ ვიდეოზე ისტერიული გინების კომენტარები ნორმალური და ადეკვატური რეაქციაა ? : ) რავიცი, რავიცი.

ვზივარ ე.წ. “ლოჯში” ნახევრად მოკაკვული და ვუსმენ Krump kings – shut up-ს. ზურგი მეტკინა.
ნახვამდის.

2011 წლის ბოლო პოსტი.

ჭინკა — Sat, 31 Dec 2011 17:08:54 +0000

ჰო, უმჯობესი იქნებოდა დამეწერა ყოველი თვის მოკლე მიმოხილვა, თუმცა ჩემს მეხსიერებას რა ვუთხარი.. რომ მოვინდომო და ტვინი ვიჭყლიტო შეიძლება გამახსენდეს რაღაცები ფეისბუქის თაიმლაინის დახმარებით, თუმცა მირჩევნია მოკლე პოსტით შემოვიფარგლო.

2011 წლის ნაწილი იყო განსაკუთრებული იმით, რომ 15 წლის გავხდი და ბევრი რამ შეიცვალა. ბევრი რამ ვისწავლე, გავიგე და დავხვეწე საკუთარ თავში. სკოლა კვლავ არ მხიბლავს.
2011 წელს ბლოგი უფრო მოკუდა. დაცარიელდა და აღარ არის იმდენად ცოცხალი რამდენადაც ადრე. თუმცა, მე მაინც მახსოვს ის.
2011 წელს არ შემიძლია არ აღვნიშნო რამხელა როლი ითამაშა ერთ-ერთმა უსაყვარლესმა დახურულმა გრუფმა. ^^ სიქრით სანტას გათამაშებით მივიღე საახალწლო საჩუქარი – თერმო-ჭიქა. აწ და მარადის არ მომაკლდება ცხელი ჩაი და ყავა.
2011 წელს მივხვდი, რომ სკოლა არც ისე მნიშვნელოვანი ადგილია, ვიდრე მეგონა.
2011 წელს უფრო გამძაფრდა ჩემი და ჩემი დაქალების ურთიერთობა ^^ <3 (love you my girls ^^)
2011 წელს პირველად დავისვენე ჩემს დაქალებთან ერთად სოფელში. პირველად ვიჯექი ცხენზე. (და არ გადმოვვარდი. ფაქიეა)
2011 წელს..
თუმცა ამას რაღა მნიშვნელობა აქვს. მთავარია რა იქნება 2012 წელს ! ვიმედოვნებ ეს წელი იქნება ისეთ როგორიც მინდა, თუ ასეთი არა მიახლოებული მაინც მასთან.. წარმატებებით სავსე არა მხოლოდ ჩემთვის არამედ ყველასთვის. მეეტი პოზიტივი და ნაკლები ნეგატივი. ^^ <3

თუ გიხარიათ – გილოცავთ ახალ წელს და გისურვებთ ბლაბლაბლაბა all good things.
თუ გკიდიათ – გისურვებთ რომ მომავალ ახალ წელს ხვდებოდეთ ისე, როგორც თქვენ გინდათ და არ გეკიდოთ. და თუ მაინც გკიდიათ, არ გილოცავთ ახალ წელს და უბრალოდ კარგ წელს გისურვებთ.

მ ო რ ჩ ა !

ჭინკა — Thu, 22 Dec 2011 14:35:53 +0000

მოოოოოოოოოოოოოოოოორჩა.

1 კვირა, 6 დღე, 5,4,3,2… რაც უფრო ახლოვდება, მით უფრო ვიღლები, ვიცდი და ისევ ვიღლები. რაც უფრო ახლოვდება, მით უფრო მიხარია, ვაფრენ და ვემზადები დიდი რეფრეშისთვის.

- აუ, რა დროს გეოგრაფიის საკონტროლო იყო..
- ქიმია იცი ?
- აუ რუსული გადამაწერინე რა.
- ვეფხისტყაოსანი :@
- აუუ მაააააასწ.
——————
- ნიშანი ხომ გინდა?
-:გვარი: ჩამაბარე გაკვეთილი.
-რა ნიშანი დაგიწერო ახლა მე შენ?

ამ კვირაში ყველაზე ხშირად ნახსენები კითხვები და წინადადებებია.

დღეს მეორე გაკვეთილზე ავედი სკოლაში, რადგან პირველი ინგლისური იყო, რომელსაც ნიშნები უკვე დაჯამებული ჰქონდა. მეხუთედან გამოგვიშვეს. ყველა ნიშანი გავიგე და სახლში მეჩქარებოდა. სახლი სახლი სახლი სახლი. მერე ინგლისური და მერე მართლა სახლი სახლი სახლი სახლი სახლი…

მინუს ცეკვა
მინუს ინგლისური
და მე სრულიად ბედნიერი ვიქნები მთელი ერთი თვე ! დაპირებებს უფრო ცუდად ვასრულებ, ამიტომ უბრალოდ ვიტყვი, რომ ვეცდები მეტი ვიმეცადინო. გამოტოვებული გაკვეთილები ვისწავლო.
მინდა, ეს ერთი თვე კარგად და შინაარსიანად გამოვიყენო. ♥

აუა ქანთრი ვონთს ფრიდომ (c) Tsisana chkadua

ვინ არის ჯოან როულინგი? | Who is J.K. Rowling?

ჭინკა — Mon, 05 Dec 2011 13:46:28 +0000

ჯოან როულინგი არის “ჰარი პოტერი”ს წიგნების ავტორი. ჯეი ქეის სრული სახელია ჯოან ქეთლინი (Joanne Kathleen). იგი დაიბადა 1965 წელს, ინგლისში, პატარა ქალაქში ბრისტოლის მახლობლად. ის ცხოვრობდა თავის მშობლებთან და დასთან ერთად. მისი ოჯახი არ იყო მდიდარი. იგი არ დადიოდა განსაკუთრებულ სკოლაში. ჯოანა მშვიდი და წყნარი ბავშვი იყო. უყვარდა კითხვა და მოთხრობების წერა. იგი ჩაირიცხა Exter University-ში და დაამთავრა 1987 წელს. შემდეგ, ის სხვადასხვა ოფისებში მუშაობდა. თავისუფალ დროს კი მოთხრობის წერას უთმობდა.
1990 წელს ჯოანას დედა გარდაიცვალა. ის ძალიან გულნატკენი იყო ამიტომ გადაწყვიტა ინგლისის დატოვება. იგი ეძებდა სამსახურს გაზეთებში და იპოვა ინგლისურის მასწავლებლის თანამდებობაზე პორტუგალიაში. მან გაიარა გასაუბრება და დაიწყო მუშაობა. პორტუგალიაში იგი პორტუგალიელ კაცს გაჰყვა ცოლად. შემდეგ წელს, მათ გოგონა ეყოლათ, თუმცა ჯოანა არ იყო ბედნიერი ამ ქორწინებით. მან დატოვა პორტუგალია თავის შვილთან ერთად და გადავიდა ედინბურგში, შოტლანდიაში თავის დასთან ახლოს.
ჯოანას ცხოვრება რთული იყო. ის ზრდიდა თავის შვილს, იყო მარტო და არავინ ეხმარებოდა მას. არ ჰქონდა არც ფული და არც სამსახური. ის ცხოვრობდა პატარა ბინაში და კვლავ დაიწყო მოთხრობების წერა. პირველი აზრი ჰარი პოტერის შესახებ, მას რამდენიმე წლის წინ მოუვიდა მატარებელში. ჯოანა საწერად საყვარელ ყავის მაღაზიაში დადიოდა. ის რამდენიმე საათის განმავლობაში იჯდა, სვამდა ყავას და წერდა. მის შვილს კი მის წინ ეძინა.
5 წლის შემდეგ, მან დაასრულა პირველი წიგნი ჰარი პოტერის შესახებ. ეს წიგნი ჯოანამ ძალიან ბევრ გამომცემელს გაუგზავნა, თუმცა არავის მოეწონა. საბოლოოდ, ერთ გამომცემელს მოეწონა “ჰარი პოტერი” თუმცა თქვა, რომ ეს წიგნი ბავშვებისთვის იყო განკუთვნილი და უფროსები მას არ წაიკითხავდნენ. მან უთხრა ჯოანას, რომ ის ვერ იშოვიდა ბევრ ფულს. 1997 წელს “ჰარი პოტერი და ფილოსოფიური ქვა” იყო წიგნების მაღაზიაში. ჯოან როულინგი იყო ძალიან გახარებული და ბედნიერი. მისი ოცნება წიგნის გამოშვებაზე ასრულდა. წიგნი მთელს მსოფლიოში გახდა პოპულარული.
დღეს, “ჰარი პოტერი” ნათარგმნია 42 ენაზე. გამომცემელი არ იყო მართალი ერთ რამეში: ყველას შეუყვარდა ჰარი პოტერი. დიდებსაც და პატარებსაც. დაახლოებით 100 მილიონი წიგნი გაიყიდა 1999 წელს. შემდეგ “ჰარი პოტერი”-ს ორი ნაწილი გამოშვებული იქნა ფილმად. როულინგმა გააგრძელა შემდეგი ტომების გამოშვება.
1 – ჰარი პოტერი და ფილოსოფიური ქვა | Harry Potter and the Sorcerer’s Stone
2 – ჰარი პოტერი და საიდუმლო ოთახი | Harry Potter and the Chamber of Secrets
3 – ჰარი პოტერი და აზკაბანის ტყვე | Harry Potter and the Prisoner of Azkaban
4 – ჰარი პოტერი და ცეცხლოვანი თასი | Harry Potter and the Goblet of Fire
5 – ჰარი პოტერი და ფენიქსის ორდენი Harry Potter and the orden of the Phoenix

6 – ჰარი პოტერი და ნახევარსისხლა პრინცი| Harry Potter and the Half-Blood Prince
7 – ჰარი პოტერი და სიკვდილის საჩუქრები | Harry Potter and the Deathly Hallows

სად ვარ, რას ვშვრები, რატომ არ ვპოსტავ ?

ჭინკა — Sat, 03 Dec 2011 16:01:11 +0000

ჰელოუ.

დაწყება კვლავ მიჭირს. ყოველდღე შემოვდივარ და ვუყურებ საწყლად ტოპ.ჯი-ს მთვლელს. 10-30.. ხო, საერთოდ გადავეჩვიე პოსტვას. გული მიფართხალებს, როცა ახალ კომენტარებს ვხედავ. ძალიან სასიამოვნოა, როცა ხედავ ახალ კომენტარებს, რადგან გგონია რომ შენი ბლოგი კვდება, აღარავის ახსოვს და მსგავსი ბლაბლა.

არ ვიცი რატომ გადავეჩვიე პოსტვას. თითქოს საწერი თემები გამომელია/არ არსებობენ. ან არსებობენ და მე ვეღარ აღვიქვამ მათ საწერ თემებად. თან გული მწყდება აქაურობაზე. 1 წელი გავატარე გულის ცახცახით ყოველ +1 ვიზიტორის დანახვაზე : D არა, მიტოვებას არ ვაპირებ არანაირად. თუმცა არ-დაპოსტვა და ყურადღების არ-მიქცევა ხომ მიტოვებაა. ნუ რავიცი.

ახლა არ გავაგრძელებ ჩემს ვაი-ვიშს. ჩამოვწერ იმას თუ რა შეიცვალა ჩემი პასიურობის პერიოდში.

1) ვცდილობ სიზარმაცის დაძლევას. მეტ დროს ვუთმობ მეცადინეობას, შედეგიც უმჯობესდება. წინა წელი საშინლად ვიზარმაცე. ამის გამეორება აღარ შეიძლება ! ამიტომ, ახლა ვსწავლობ, ვიღებ ნიშნებს და მაინც მტკივა თავი.

2) ვსაჭიროებ +1 კომპიუტერს სახლში. რაც იმედია მალე მოხდება, თორემ ჩემი ნერვები სადღაც წავა, გაწეწილად წავა.

3) ბლოგზე პასიურობა არ უდრის ფეისბუქზე პასიურობას. საკმაოდ აქტიურად ვასტატუსებ, ვაშეარებ. ალბათ ეს არის ერთ-ერთი მიზეზი იმისა, რომ ბლოგი მივაგდე. პირდაპირ და ჩქარ-ჩქარა ვწერ ფეისბუქზე და აღარ ვანვითარებ თემას იმდენად, რომ ბლოგ-პოსტად გამოდგეს.
4) დავიწყე საკუთარი თავის უკეთ შეცნობა. ვცდილობ უფრო დავუკვირდე დეტალებს. ვაგროვებ პოზიტივს, ვაგდებ ნეგატივს. ვცდილობ დადებითის პოვნას თითქმის ყველაფერში, ვუფრთხილდები ნერვებს.

5) დავიწყე Junior Achievement-ის ტრენინგებზე სიარული. (თაკოსთან ერთად) საბავშვო გამოყენებითი ეკონომიკა. საკმაოდ საინტერესოა და მიმზიდველი. 4 საათი ჯდომა საერთოდ არ მღლის და არ მბეზრდება. სკოლაში 4 გაკვეთილზე ძლივს ვჩერდები, ეკონომიკაზე 4 საათიან საუბარს კი სიამოვნებით ვუერთდები. ძალიან ბევრი საინტერესო რამ გავიგე, პრაქტიკულადაც და თეორიულადაც. 3 გაკვეთილი ჩატარდა, ხვალ მეოთხეა და სერტიფიკატი ხელში მეჭირება. ♥
6) თოოვლიი ♥ ხო, საბავშვო ამინდი :დ ♥_♥ მმმ… სულ ერთხელ მოვიდა ფაფუკი, ნამდვილი თოვლი. მაგრამ, ძალიან გამიკვირდა, რომ ის თოვლი იქვე გალღვა სადაც იყო. არავის უნდოდა გუნდაობა ?? ყველა ჩემსავით არ იყო გუნდაობის ხასიათზე ? o.O ველოდი, რომ რამდენიმე საათში ყველგან გუნდაობის კვალი იქნებოდა მაგრამ… არაფერი. წლების წინ სულ ეზოში ვიყავი თოვლის დროს. ვერ ვიტანდი როცა კისერში მაყრიდნენ მაგრამ, მერე რა? გუნდაობა იყო აი ♥ არც მინახავს ჩემს ეზოში უბრალოდ ჩასული ბავშვებიც კი. wtf ? o.O

7) Sweet Party ♥

giveaway-ს პროცესი.
აი ასე. მეტი ვერაფერი გავიხსენე. კი, ნამდვილად ცუდი გოგო ვარ და თუ ბევრ პოსტებს არ დავწერ სიახლეები მაინც შევაჯამო ხოლმე. თორემ მეც კი მავიწყდება უკვე ყველაფერი : )

როგორია მომავლის კლასი?

ჭინკა — Wed, 12 Oct 2011 14:54:39 +0000

წელს პირველ ექსპერიმენტულ სკოლაში გაკეთდა ჯეოსელის კაბინეტი, იგივე მომავლის კლასი : )

დღეს ისტორიის გაკვეთილზე მასწავლებელმა 12 ბავშვი შეგვიყვანა ამ კლასში. გაკვეთილი ჩაატარა არქეოლოგიის შესახებ. რომელიც ჩანდა ელექტრონულ დაფაზე ძალიან კარგად, მის ზემოთ დამონტაჟებული აპარატის დამსახურებით = )

კლასი იდეალურია პრეზენტაციებისთვის, power point-ზე აწყობილი პრეზენტაცია, თითის ორჯერ დადება ელექტრონულ დაფაზე და გადადიხარ მეორე გვერდზე.
გაკვეთილის ახსნის შემდეგ, მერხებზე დადებულ ეკრანებზე გამოჩნდა ტესტები. toolbar-ში იყო საშლელი, ფანქარი, ფლომასტერი, პასტა..(და არა მარტო :დ) ავირჩიე პასტა და ავირჩიე ფერი. მოვხაზე სწორი პასუხები და გვერდით გულებიც მივუხატე.
დაფაზე გამოჩნდა თორმეტივე მერხზე არსებული მონიტორის ეკრანი. ანუ ვინ რა მონიშნა. ხო, ჩემს “ფურცელზე” მიხატული გულებიც
დაფის ქვემოთ თაროზე დევს მგონი ელექტრონული ფლომასტერი და საშლელი. რაც დაფაზე იწერება საშლელითვე იშლება ძალიან მარტივად. არაირი ცარციანი დაფა/ტილო/ხელები..

საინტერესო გაკვეთილი იყო ძალიან და კარგი ატმოსფეროა ასეთ კლასში. მომწონდა იქ ჯდომა, მომავალში მეგონა თავი, უბრალოდ ძალიან, ძალიან მეძინებოდა..

ხო, აი როგორი იქნება კლასები 2015 წელს მთელი საქართელოს მასშტაბით, როგორც გვპირდებიან ; )
პ.ს. მე ვფიქრობ, რომ ეს ყველაფერი კარგია, მით უმეტეს როცა ასეთ წყალწაღებულ ქვეყანაში ვართ. თუმცა, პრეზენტაციებისთვის ადგილიც გვქონდა და ყველაფერიც. უბრალოდ ეს ვარიანტი სწავლის, გამარტივებული და გალამაზებულია. სწავლება თუ კარგია, ფურცელ/პასტაზეც კარგად ისწავლის ადამიანი

სურათები აღებულია საქართველოს განათლებისა და მეცნიერების სამინისტროს ფეიჯიდან

განძი, რომელშიც ბავშვობის მოგონებებია

ჭინკა — Sat, 08 Oct 2011 16:08:09 +0000

ყველანაირი შესავლისა და უაზრო ლაყბობის გარეშე პირდაპირ განახებთ იმას, რაც მე მეათასედ დავათვალიერე !
ნათლობისას ნაჩუქარი სუნდუკი (ქართულად არ ვიცი რა ჰქვია)
დიდი ხანი ეს სუნდუკი დევს ყველაზე მაღალ კარადაში და ხშირად არ შემიძლია მისი თვალიერება. იშვიათად რომ ვნახულობ ეგა რის მთელი სიამოვნება.. ^^
ამაში ინახება ჩემი ბავშვობის ნაწილი, ყველაზე ტკბილი მოგონებები..
სანამ გავხსნიდი გული ამიძაგძაგდა.. ძალიან სასიამოვნო შეგრძნებაა.
მოდით გავხსნათ !

ეს კაბა ნათლობაზე მეცვა, თავისი აბადოკითა და ქუდით ^^ ხო, ტუფლიჩკები :

ბავშვობაში დაბრუნებული მე

კაბაში უბრალოდ ვერ ჩავეტეოდი ^^

დიდი და ლამახი ზარდახშა <3

გადავიდეთ ტანსაცმელზე..
ეს კაბა ძალიან ძალიან მიყვარდა.

<3<3

თავისი ბაჩაჩებით და ის ზოლიანი მრგვალი ქუდია

უკვე მოზრდილს მქონდა ეს დუბლიონკა. ძალიან მიყვარდა, უთბილესი იყო:)

სურათები მორჩა.. კარგი განწყობა, მოგონებები დამრჩა. ყველამ შეუნახეთ თქვენს შვილებს, დებს, ძმებს პატარა ბავშვებს მსგავსი რამ.. ^^ ნამდვილად სასიამოვნოა ♥

დაავადებული

ჭინკა — Sat, 01 Oct 2011 12:22:35 +0000

2 კვირაა სკოლის დაავადებით ვარ ავად.
8 საათზე ვცდილობ ადგომას, 9-ის ოც წუთზე ვდგები, სწრაფად ვიცვამ, ვჭამ და გავდივარ..
საბედნიეროდ 7 ის მაგივრად 6 გაკვეთილი გვაქვს. თუმცა, წუწუნის მიზეზი არასოდეს მელევა.
“აუ დღეს მორიგე ვარ..”
“ქართულმა რატომ მოგვცა ამდენი საზეპირო”
“ორი წუთით შემაგვიანდა კლასში რა მოხდა მერე:@”
“ხელოვნების გაკვეთილს ქიმიის მასწავკლებელი რატომ გვართმევს? o.O”
ასე შემდეგ და ასე შემდეგ..

ერთ დღეს (პარასკევს) რატომღაც ბევრმა ბავშვმა გადაწყვიტა სკოლაში არ-წასვლა. შედეგად 12 ბავშვი იყო მხოლოდ კლასში. რამაც დამრიგებელი ძალიან გააბრაზა და ყველას დაგვიბარა ორშაბათისთვის განცხადება/ახსნა-განმარტება დაგვეწერა. ჰმ.. ეს ყოველთვის ასეა. არავინ გაიკვირვოს.
გააცდინე? – მეორე დღეს მშობლის განცხადება.
ბოლო გაკვეთილიდან წახვედი? – შენი ახსნა-განმარტება.

პირდაპირ ვბრწყინავ ბედნიერებისაგან

წელს “შუშანიკის წამებით” დავიწყეთ, რაც მგონი ჩვენი წამება უფროა. წიგნში არც ერთი ლექსი და მოთხრობა არ არის. სულ ასეთი ნაწარმოებებია.. : (
ჰო, ვისაც ასევე გაწამებთ შუშანიკის წამების გაშინაარსებები, საზეპიროები (დარწმუნებული ვარ ასეთი ბევრია) შეგიძლიათ მიალაიქოთ ფეიჯი “რა ჩემდა ჭირად აწამეს ეს შუშანიკი” .

წელს ნამდვილად გადავწყვიტე აქტიურად მეცადინეობა რაც ასე თუ ისე გამომდის. მაგრამ ამ სიზარმაცეს რომ ბოლომდე მოვუღო ბოლო ნამდვილად უკეთესი იქნება. ჯერ კიდევ ცხოვრობს ჩემში.. ^^

ჰარი პოტერის პირველი და მეორე ნაწილი წავიკითხე. ვაპირებდი მათგან ციტატები ამომეღო, თუმცა ძალიან გამირთულდა. წიგნი სწრაფად წავიკითხე, თუმცა ხელმეორედ გადაკითხვა მეზარებოდა და თანაც მონიშვნა. აღარც ვიცოდი დიალოგები ამომეღო თუ უბრალოდ ფრაზები. ამიტომ მესამე წიგნს დახარბებულმა წინა ორი დავუბრუნე წიგნის პატრონს. მესამე და მეოთხე გუშინ მივიღე .. ♥ აზკაბანის ტყვე გუშინვე დავამთავრე დღეს კი ცეცხლოვანი თასი დავიწყე. ნამდვილად მიყვარს ეს წიგნი და ჯერჯერობით არ მბეზრდება ♥

დღეს ცეკვა დამეწყო, ოთხშაბათს ინგლისური.. უკვე აღარ მეცლება იმდენად ხშირად ვიდრე ახლა.

ჩემი ბლოგის ამბავი კი ისედაც ცუდად მიდის..: ) დიდი ხანია არაფერი დამიწერია და აღარც ვიცი რა დავწერო ხოლმე. რაც ნამდვილად მაშფოთებს და მიკვირს, არ შემიძლია public გამოვჭენო. შესაბამისად ვზივარ და ყოველდღე უბრალოდ ახალ კომენტარებს შევხედავ თუ დაემატა. ეს არის და ეს.

განახლებების დილა (timeline)

ჭინკა — Fri, 23 Sep 2011 12:16:13 +0000

1. ფეისბუქის ცვლილებები. Timeline. განახლებული პროფილი.
ფეისბუქმა ბოლო დროის განმავლობაში ძალიან ბევრი ცვლილება მოახდინა. განსაკუთრებით კი ბოლო 2 დღე.. პროფილის სულ სხვანაირი და განახლებული ვარიანტი შემოგვთავაზა, რომელიც ყველას ექნება 1-2 კვირაში. თუმცა, მსურველებს შეუძლიათ მოვლენები დააჩქარონ და გაეცნონ განახლებულ ფბ პროფილს. შედით აქ და ტუტორიალის მიხედვით გააკეთეთ.

შედეგი : თავიდან ვყოყმანობდი, დამეყენებინა თუ არა. მაგრამ, როდესაც გავიგე რომ ყველას დაგვიყენდებოდა მოგვიანებით, ვარჩიე, რომ წინასწარ მოვმზადებულიყავი. არც ვნანობ ! ♥

1. მარჯვნივ წითლად მაქვს მონიშნული თარიღები ♥ შემიძლია თვეების მიხედვით მივაგნო ჩემს რომელიმე პოსტს, სტატუსს, სურათს და ა.შ. უბრალოდ ვიმოგზაურო ჩემი ფბ პროფილის ისტორიაში.
2. ქავერი ♥♥♥ იგივეა რაც ბლოგზე ჰედერი. აქაც და იქაც გემრიელი ჩაი/ყავა მაქვს თავის ტკბილეულობასთან ერთად. შემოდგომის ასოციაცია ♥ (ჩემთვის :დ)
3. გამარტივებულია საკუთარი ინფორმაციის კონტროლი.
4. ქავერის ქვეშ მოთავსებული Friends, Photos, Map, Likes და ა.შ. სრულიად მიმარტივებს მივაგნო სასურველ ინფორმაციას.

მე მომწონს ფეისბუქის განახლებული პროფილი.

პ.ს. და რომ გადავწყვიტე ეს ბლოგზე დამეპოსტა, აქვე ჩემდა უნებურად აღმოვაჩინე, რომ ვორდპრესსაც აქვს ცვლილებები.